新年快樂！！
新一年祝願我同陳小姐甜甜密密，開開心心，健健康康，快快樂樂！！ ＝]

一連幾日都痴實左陳小姐實在太開心喇，所以都無時間寫BLOG。
宜家慢慢寫番曬呢幾日既行程出黎XDD

年廿八

---

 

[gallery ids="71,80" type="rectangular"]

朝早同陳小姐同弟弟b一齊去睇THE GOOD DINOSAUR！！好耐無同陳小姐睇戲嚕，襯住有卡通片睇，前一晚就買定戲飛決定一齊睇早場！高興,,Heeeeee =] 隻細細粒真係好得意呀！！！陳小姐都好鍾意隻細細粒！

好開心甘睇完戲仔之後，陳小姐就同我去買新既底褲仔、襪仔同底衫仔，全部都好靚，底衫仔仲要SEE THROUGH既添XDD 之後我地去左買餸煮飯食三隻小B團年飯！！！！！YOHO！！

[gallery ids="114,119,113,117,118,116,115" type="rectangular"]

小B團年飯好犀利，有飽魚、有好好味既日本米、又有梅子！！最高興係三個小B一齊舒舒服服係屋企食飯！！

夜晚就同陳小姐同媽媽食團年飯，食完我地去行左陣無商場既灣仔當散步。最開心係同陳小姐買左糖果準備第二日食XD之後就回家覺覺豬嚕，因為第二日要好早起身搭車。

年廿九

---

 

[gallery ids="137,138" type="rectangular"]

一早搭左上車，我同陳小姐係車度繼續做豬仔瞓瞓瞓，瞓到落車XDD 一落車因為太凍，我地企埋一邊曬太陽！！因為我都買左新鞋仔既關係，我就要求陳小姐同我一齊影情侶鞋合照喇！！睇下我地對鞋仔幾靚XD

之後等左細舅父黎接我地番屋企，我就煮左老壇酸菜面同陳小姐一齊食！！辣辣地，食完暖番曬！！之後阿婆話俾我地睇下佢養既雞雞有幾大隻，甘我地就去左睇雞雞喇！

[gallery ids="156,157,158,159,155" type="rectangular"]

途中個隻好大隻既鴨係甘係度扭PAT PAT吸引左陳小姐既注意力，陳小姐話佢係甘扭PAT PAT好好笑XDD 後來先知道，原來佢扭PAT PAT係想撩人打架！！

睇完雞鴨，我就同陳小姐去左下午茶，最衰唔記得影個厚吐司，難得陳小姐覺得幾好食！！但我地都每人飲左個咖啡仔！之後再去左行左陣街街，拍下拖 =]

飲住咖啡睇陳小姐玩SimCity =]

行完街就番屋企食團年飯嚕！



好多人一齊食既團年飯，所以有好多餸，擺滿左張檯！雖然好多餸，食得好飽，但我既消化能力都好驚人！！因為之後番到酒店，同陳小姐洗完白白，我地走左去買KFC，我食左成個小食桶！！陳小姐因為好攰同埋飲左個湯暖笠笠，未等到我食完就瞓著左嚕XDD

 

年初一

---

 

年初一！新年快樂，大吉大利！一早起身番公公婆婆屋企逗利是！！跟住就食左開年素菜！！再之後就伯公伯婆黎拜年！最好笑既一幕亦都出現喇，伯婆過黎派利是，俾完陳小姐之後就掉頭走左＠＠甘我呢？！唔通我個樣已經唔似小朋友可以收利是？！！！！就係甘樣，陳小姐就比我多左一封利是喇XDD陳小姐就因為甘好得戚好開心喇XDDD

之後同陳小姐一齊湊住公公、媽媽、婷婷、楊浩去左睇茶庵寺，再去左一記食中午。再點家之後，陳小姐就係度提升佢既Mushroom Farming Level喇！！XDDD



為左陳小姐唔洗出曬菇，同埋解救埋婷婷，我就大膽提出左年初一不留家，出去玩同不回家食飯新概念！好好彩，竟然被接納同批準左，甘樣我地就湊埋細表弟一行五人出去玩嚕！！

[gallery ids="210,209,215,212,213,211,218,216,220,219,214,217" type="rectangular"]

我地去左行街，夾公仔，食蛋糕，飲咖啡，睇海龜，食壽司…玩到九點幾，婷婷佢地約左人去睇戲，我地就去送細表弟番屋企。最緊要之後我地去左食甜品XDD



登登登登…桃花味雪糕XDD 之後就去接媽媽番酒店。今晚就太攰，都好快瞓著左，無食宵夜嚕！！

 

年初二

---

 

因為好攰，都瞓到有少少遲左，所以今年無去到放生鯉魚，番到婆婆屋企無耐就食開心飯，之後就一行十幾人出發去中山拜年！！

[gallery ids="239,243,242,241,244,240,238" type="slideshow"]

好快甘拜完年、逗完利是，大家就打左陣麻雀，次後就回家吃飯！是晚吃五味鵝為主菜，陳小姐都覺得幾好食，但就無影相！番到酒店之後，我地再出左去搵中式糖水，但最後變左食腸粉！！終於食到我想食既腸粉，所以陳小姐都好高興！我呢個麻煩友終於食到想食既野！

年初三

---

 

瞓到九點，之後懶懶甘番到去同公公婆婆去左古鎮飲茶就搭車番香港嚕！夜晚再同陳小姐買左刺身兩個人撐檯腳！！之後我就回家覺覺豬><"因為年初四要番工！！

 

---

---

 

 

今次番江門好彩有陳小姐痴實我，實在好開心！！但辛苦左陳小姐喇！又攰又悶親又要忍住D滴滴滴！！所以要錫多D陳小姐，因為陳小姐真係好愛我架　>3<""" I Love You B~*

 

BY 陳先生